ہم اس بات کا خاص خیا ل رکھتے ہیں کہ جو بھی ہم تقسیم کر رہے ہیں وہ لوگوں کے کام آئے: ثاقب خان
نئی دہلی :2 جنوری (سفیر بھارت بیورو)دی بریسس ٹرسٹ نے نیا سال سڑکوں پر زندگی گزارنے والے لوگوں کی مدد کرکے منایا 31 دسمبر کی دیر رات تنظیم کی جانب سے دہلی کے مختلف علاقوں میں ضرورت مندوں کو گرم کپڑے اور کمبل تقسیم کئے ۔اس موقع پر بات کرتے ہوئے دی بریسس کے بانی و صدر ثاقب خان نے بتایا کہ دہلی و قرب جوار میں سردی اپنے پورے شباب پر ہے اور سڑکوں پر زندگی بسر کرنے والوں کو راحت پہنچانے کیلئے ہم نے فیصلہ لیا کہ نئے سال پر لوگوں کو گرم کپڑے اور کمبل تقسیم کئے جائیں ۔انہوں نے کہاکہ دی بریسس ٹرسٹ صحت و تعلیم پر گذشتہ سالوں سے مسلسل کام کر رہی ہے اور قدرتی آفت میں بھی ہم نے خوب کام کیا ہے ۔انہوں نے کہاکہ ہم اس بات کا خاص خیا ل رکھتے ہیں کہ جو بھی ہم تقسیم کر رہے ہیں وہ لوگوں کے کام آئے بعض دفعہ دیکھنے میں آتا ہے کہ لوگ کمبل تو تقسیم کرتے ہیں لیکن ان میں سردی نہیں رکتی لہذا ہم جو کمبل تقسیم کرتے ہیں اس میں ان سبھی باتوں کا خاص خیال رکھا جاتا ہے ۔انہوں نے کہاکہ دی بریسس ٹرسٹ سے دہلی سمیت دوسری ریاستوں کے لوگ بھی جڑنے کا کام کر رہے ہیں اور خیر خواہی کے کام کو آگے بڑھا رہے ہیں ۔اس پروگرام کو آگے بڑھانے میں قومی کنوینر حسن البناہ ، پرشو ، احتشام تیاگی ، فیروز ، زاہد وغیرہ نے اپنی خدمات انجام دیں